erran.eus

Turismo establezimenduetako polizia-fitxa betetzeko APP berritzailea aurkeztu du Baztan-Bidasoa Turismoak

  Gizartea  Bertizarana

Mugikor bidez, bezeroaren Nortasun Agiriko datuak irakurtzen ditu ‘Aloha2’ aplikazioak 

Enpresa batek APP bat sortu du turismo establezimenduetan bezeroak etortzen direnean bete beharreko polizia-fitxaren tramitea errazteko. Baztan-Bidasoa Turismoa Elkargoak ‘Aloha2’ APP berritzaile honen aurkezpena egin du azaroaren 7an elkartearen egoitzan.

Turismo establezimenduetako polizia-fitxa betetzeko APP berritzailea aurkeztu du Baztan-Bidasoa Turismoak
Esteban Fernandez de Las Heras egilea eta Garziabaita landetxeko Loli Sanchez, aplikazioaren erabilera erakusten. | Ikusi handiago | Argazki originala

Bilerara Baztan-Bidasoa Turismoa Elkargoko kide ugari agertu dira, informazioa jasotze aldera. Fitxa poliziala betetzeko aplikazioa da Aloha2. Mugikor bidez, bezeroaren Nortasun Agiriko datuak irakurtzen ditu. Irakurri, sinatu eta zuzenean ordenagailura eta poliziarenera iristen dira datuak.

Lana errazten die establezimenduko nagusiei, izan ere, orain arte, bezero bat heltzen den aldioro fitxa bete behar dute. Orain arte eskuz betetzen zuten, eta gero datuak ordenagailera pasatu behar zituzten. Aplikazio honi esker urrats horiek batean egiten dira. Android mugikorrendako balio du aplikazioak.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa