erran.eus

Baztan-Bidasoaldeko Lanbide Heziketa Zentro berria Oronozen egitea aurreikusten du Nafarroako Gobernuak

  Gizartea  Bertizarana

Nafarroako Lanbide Heziketa Planari (2017-2020) buruzko saioa egin dute urriaren 4an Bertizen

Joan den uztailaren 3an Nafarroako Lanbide Heziketa Planaren (2017-2020) hasierako proposamena aurkeztu zuen Nafarroako Gobernuak. Plan hori orain partaidetza publikoaren fasean dago, herritar guztiek ekarpenak egin ditzaten; xedea da planaren diseinua ahalik eta gehien aberastea. Informazioa kontrastatu, ekarpenak egin nahiz eskaerako jasotzeko urriaren 4an, lan-saioa egin zuen Nafarroako Gobernuak Nafarroako Gobernuak. Horretaz gain, Baztan-Bidasoaldeko Heziketa Zentro berriaren balizko kokapenaren inguruan zerbait aurreratu zuten Gobernuko ordezkariek.

Baztan-Bidasoaldeko Lanbide Heziketa Zentro berria Oronozen egitea aurreikusten du Nafarroako Gobernuak
Maria Solana eta Isabel Elizalde kontseilariak, Maite Ariztegi Elizondoko Lanbide Eskolako zuzendariarekin, asteazkenean Bertizen egindako aurkezpenean. | Ikusi handiago | Argazki originala

 

Maria Solana, Nafarroako Gobernuko Hezkuntza kontseilaria eta Isabel Elizalde, Landa Garapen, Ingurumen eta Toki Administraziokoa izan ziren ekitaldian. Lehenbizikoak erran zuenez, Baztan-Bidasoaldeko Lanbide Heziketa Zentro berria egiteko aztertu dituzten hiru kokalekuen artean Oronoz lehenetsi dute. Solanak aipatu zuenez, Nafarroako Gobernuaren lur-eremu batean eginen litzateke, baina gaur egun Artzapezpikutzari erabiltzen utzia diote eta honek, aldi berean, herritarrei utzia die baratzeak egiteko. Doneztebek ere, zerbitzu aldetik, aukera ona ematen duela onartu zuen, «baina lur-eremua altueran dago eta hagitz sarbide kaxkarra dauka”. Hirugarren aukera, Narbarte, deskonektatua dago eta zerbitzu guttiago dauka». Lanbide Heziketa zentro berria eraikitzeko 10 bat milioi euroko inbertsioa egitea espero du Gobernuak. «Erreferentzia zentroa izatea nahi dugu, eta orain arte Berako Toki Onak, Elizondoko Lanbide Eskolak eta Lekarozko institutuek egindako lana sendotzea».

2017-18 ikasturtean bi ziklo berri ezari dituzte Baztan-Bidasoaldeko LH eskaintzan, biak Elizondoko institutuan: erizaintzako zaintza auxiliarren ziklo ertaina eta turismo ostatuem kudeaketarako goi zikloa. Bertizen aurkeztutako planaren arabera, datozen hiru urteetan bertze bortz eskaintza berri ere izanen dira eskualdean, Agroekologia, Ingurumen hezkuntza, Merkataritza, Sukaldea eta ibilgailuen elektromekanika arlokoak.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa