Inaugurazio ekitaldian Itziar Mielgorekin batera, Mikel Albisu eta Marijoxe Iparragirre izan dira, Baztan-Bidasoa Turismoako lehendakaria eta lehendakari ordea, hurrenez hurren.
Denda, Landa Turismoko eraikinean kokatuta dago eta egunero zabalik da, 10:00etatik 18:00etara.
Itziar Mielgok berak Ixiart zigiluarekin egindako zur-lanak topa daitezke dendan, baita bertako produktuen eskaintza zabala ere: gasna, oliba olioa, patxarana, Arizkungo mojek egindako kremak,… Baztan-Bidasoa Turismoa Elkargotik diotenez, «Eskutik eskura filosofiaren baitan lan egitea da Elkargoaren nahia. Gure establezimendu guztietan, landetxe, hotel, jatetxe edo aktibitate enpresatan,…bezeroek “gu garena” aurkitzea nahi dugu; garen bezala ezagutu gaitzaten».