Larunbatean 16:00etan Herriko plazan elkartuko dira Mari Domingiri eskutitza ematera joateko, herriko akordeolariekin. 17:30 aldera herriko umeek dantza erakustaldia eginen dute plazan eta ondoren Zubietako talogileak izango dira.
Olentzerok gutunak irakurri ondoren, abenduaren 24an Narbartera etorriko da herritarrekin egotera. 15:30ean herriko plazatik bertako musikarien eskutik aterako dira bere bila, ondoren herrian barna itzuli bat egiteko. Arratsaldeari amaiera emateko herriko plazan merendua eginen da, bertan Arotzenea Guraso Elkarteko boletoen zozketa izanen da eta Olentzero agurtuko dute.