Jardunaldia 10:30ean hasi eta 19:30ean bukatuko da, eta bertan Baztan-Bidasoaldeko talde eta erakundeek laguntzen dute. Programaren barnean sartzen dira bisita gidatuak, margo saioa eta erakusketa, abilezi jolasak, hosto eta lore idorren tailerra, kantu emanaldia eta bertze hainbat ekitaldi.
Igandeko egitaraua
10:30ean Ate Irekien Jardunaldiaren hasiera.
10:30ean ‘Naturaren aurkikuntza bisita gidatua, Mirame! Navarra al natural taldearen eskutik.
11:00etan lorategi historiko-artistikotik eta Bertizko jauregitik bisita gidatua.
11:00etatik 12:00etara egurrez egindako jostailuekin trebakuntza eta abilezi jolasak.
12:00etan lorategi historiko-artistikotik eta Bertizko jauregitik bisita gidatua.
12:30etik 13:30era hosto eta lore idorren tailerra, Dekolore taldearen eskutik.
12:00etan lorategi historiko-artistikotik eta Bertizko jauregitik bisita gidatua.
18:00etan Doneztebeko Mendi Abesbatzaren kantu emanaldia Bertizko lorategian.
Egun osoan, lehenengo landare azoka eginen dute Bertizen, Baztan-Bidasoaldeko artisautza eta nekazaritzako elikagaien feria eta jauregian, Itxusi argazki elkartearen eskutik argazki erakusketa izanen da. Modu berean, ordaindu beharreko jarduerak izanen dira Baztan Trek (rokodromoa), Bidasoko Pedalak (bizikleta elektrikoen alokairua) eta Mírame, Navarra al natural elkartearen eskutik.
Egun horretan, lorategi historiko-artistikoaren sarrera doan izanen da 10:30etik 14:00etara eta 16:00etatik 19:30era.
