Abuztuaren 28a, ortzirala, 07:00etako aurora eta plazako gosariarekin hasi dute. 11:00etako Meza Nagusitik atera eta Herriko Elkartera joan dira, luntxa prest baitzuten. Arratsaldeko 17:00etan mus txapelketa jokatuko da. 20:00etan Oharkabe taldea arduratuko da herritarrak dantzan jartzeaz. 22:00etako xingar jatea eta suzko zezenaren ondotik, Oharkaberen musikaz gozatzeko aukera izanen dute.
Abuztuaren 29an, larunbatean, ttikienek haur-jokoetan aritzeko tartea izanen dute. 11:30etan mus txapelketako finala jokatuko da. 14:00etan zikiro jatea izanen dute, eta gauerdiko Trikidantz taldearen emanaldira bitarte Dj Txingudi izanen da.
Abuztuaren 30a, igandea, hondar eguna izanen da. 10:00etan pilota partidak izanen dituzte. Arratsaldean, 17:00etan herrikoen arteko herri-kirolak izanen dira. Segidan, 18:00etan triki jaialdia izanen dute eta 20:00etako Elizagoeien ahizpen eskutik dantzaldirako tartea izan ondotik, taloa jateko parada izanen dute. 22:00etako suzko zezenarekin bukatuko dituzte ekitaldi anitzeko lau egunetako bestak.
