Ortziralaz geroztik besta giroan dira Narbarten, San Felipe Benizioren aldeko bestak ospatzen. Denetarik izan dute azken hiru egunetan: haurrendako jokoak, gazteen etxez etxeko eskea, dantzaldiak, gazteen bazkaria, patata tortilla txapelketa, herri kirolak... Eta gaur, astelehena, dute hondarreko eguna.
10:00etan plater tiroketa jokatuko dute eta eguerdian, 14:00 aldera, zikiro jatea bertsolariekin alaitua izanen da. Arratsaldez eta gauez dantzaldia izanen da Agerralde akordeoilariarekin. Azkenik Gaixoa Ni kantatuko dute eta Agerralderekin kalejira eginen dute.