Eguraldiak lagunduta ekainaren 7an egun ederra izan genuen herrian. Hasieratik nabaritu zen bestarako gogoa bazegoela. Eguna haurtxoendako jokuekin hasi zen eta dantzan, marrazten eta jostailuekin aritzeko aukera izan zuten. Aldi berean, hamarrak aldera frontenis txapelketako finalak jokatzen hasi ziren, lehenik emakumezkoak eta ondoren gizonezkoak.
Ordu bietarako sagardotegi mobilak dena prest zuen eta jendea bazkaltzen hasi zen. Bazkari eder eta luze baten ondoren, giroak ostatu atzekaldeko patioan jarraitu zuen. Bertan orkestrak bere musika tresna guztiekin eta ostatuko Txemak eta Barbarak eguraldia probextuz jarri zuten ostatu ttiki batekin giro ezin hobea lortu zen. Zazpiak aldera fronteniseko txapeldunei sariak banatu zitzaizkien eta afaltzeko xolomo eta xingar bokatak izan ziren. Besta bakoitzak nahi izan zuen arte luzatzeko modua izan zen.