Maiatzeko azkeneko astea kulturarendako gordeta zegoen eta halaxe izan zen.
Astelehenean bederatzietatik ordu batak arte foruzaingoak ekitaldia antolatu zuten, bertan zirkuito batzuk antolatu zituzten bizikletakin ibiltzeko eta haurtxoei segurtasun neurriak erakusten saiatu ziren.
Asteartean berriz zientziak eta gastronomiak izan zuten beren eguna. Bi orduetatik laurak arte haizea eta urarekin esperimentuak egiten aritu ziren eta ondoren “chef txikienak” prestatutako pintxoak dastatzeko aukera izan zuten. Asteazkenean hamaiketatik eguerdira arte irratsaioa zegoen.
Ostegunean haurtxo txikienak Bertizera kanpaldira joan ziren eta bertan Ituren eta Legasako haurtxoekin elkartu ziren. Arratsaldean Eduardo Gil Bera idazleari elkarrizketa egin zitzaion. Hiruetatik laurak arte egon zen irratsaioan.
Amaitzeko ostiralean Bertizera ateraldia prestatua zegoen, baina eguraldi txarra zegoenez astelehenerako utzi zuten eta bazkari batekin amaiera eman zitzaion aurtengo aste kulturalari. Esan beharra dago egitaraueko ekitaldiak herriko guraso elkarteak antolatuak izan direla.