Ailegatu eta joan egin dira urtero bezala bestak, baina tartean giro ona eta besta egiteko egun batzuk utzi dizkigu. Gustura gelditu da jendea.
Aipatzekoa, ostatuan emandako zopak, oso goxoak baitzeuden; edo haur jokoak eta bonba japoniarrak, gaztetxoen gustuak ase zituztenak; edo mus eta partxis txapelketa, bestetako egitarauan bere lekua hartua dutenak; ez gara ahaztuko Zopilotesen kontzertuan bildu zen jende kopuru majoaz; edo zikiroan sortu zen giro paregabeaz; eta nola ahaztu herri kirolak eta bertan egin ziren bi omenaldiez. Bat aurten joan zaigun Pello Ibargarairi egindakoa, hainbeste urtez herri kiroletan parte hartua eta bestea, Bittor Elizagoien eta Esteban Arrutiri eman zitzaizkion artisau lanak, hainbeste urtetan erakutsi duten borondateagatik. Bi lanak Mañolo Ibarra eta Antonio Perezek, herritarrak biak, eginak ziren.
Honenbestez, hurrengo urteko besten esperoan geldituko gara, ea aurtengoak bezain ederrak izatea lortzen dugun.