Dakizuen bezala, ekainaren 16an akitu zen Kattalin aterpea hartzeko eskaintzak aurkezteko epea. Interesatu askok deitu zuten baldintzak jakiteko, baina azkenean, proposamen formal bakarra aurkeztu zen, Mattari BKZko arduradunarena, hain zuzen ere. Ilusio eta gogo haundiarekin sartu da proiektu berri honetan eta bere intentzioa abuztu bukaerako, bestak direla aprobetxatuz, ostatua martxan jartzea da.
Baldintza nagusia aterpea mobleztatzea izanen da. Sukaldea, ostatuko barra, oheak, mahaiak, aulkiak… bere esku geldituko dira. Honen truke, alokairua debalde izanen du oraindik erabaki ez den hainbat urteren truke. Halere, mantenimendu gastuak hartzaileak ordaindu beharko ditu.
Kattalin aterpeak 450 metro koadro inguru ditu eta 45 pertsona hartzeko prestatua dago. Bortz logela eta bortz komun, igogailua, sabaian bi trasteleku, sukaldea, barra eta egongela jartzeko tokia du.