Kattalin aterpetxea eta ostatuaren enkanteak dagoeneko atera dira. Eskaintzak aurkezteko epea zabalik dago eta ekainaren 16ra arte izanen da aukera. Hartzen duenak hamar urtetarako izanen du. Eskaintzak Kontzejuan aurkeztu beharko dira edota bertan dagoen buzoian. Eskaintza merkeenari emanen zaio lehentasuna.
Arduradunen telefono zenbaki eta e-posta hauek dira: 629 450579 (Laura), idazkari@igantzikoudala.com. Informazio gehiago nahi izanez gero, helbide honetan sartu: http://hacienda.navarra.es/sicpportal/mtoAnunciosModalidad.aspx?Cod=12052514132103725377.
Kuku elkartea
Berriki Kuku elkarteko bazkideei galdeketa bat pasatu zaie gas naturala hartu ala ez jakiteko. Galdeketa erantzun duen gehiengoak baiezkoa eman du, eta beraz, azkenean gasa sartuko da.
Eskolako haurrak
Joan den ekainaren 1ean, atsedenaldiaren ondotik, eskolako haurrak Zuhaitzaren Egunean landatu zituzten arbolak ureztatzera joan ziren. Guraso batek ura bidoi haunditan eraman zuen eta handik haurrak ura hartu eta zuhaitzak ureztatu zituzten. Ikaragarrizko beroa egiten zuen eta egindako lana eskertzeko gosari goxo bat jan zuten gero elkarteko atarian.