Aitzineko alean aipatu bezala, apirilaren 28an herri bilera bat egin zen aterpearen inguruko erabakiak hartzeko.
Hasteko izena erabaki zen: Kattalin aterpea. Aipatu garai batean, herriko patroia Kattalin zela eta bere omenez, izen hau jartzea erabaki zutela bildu zirenen artean.
Honetaz aparte, bertze erabaki batzuk ere hartu ziren. Batetik, hurrengo auzolanetan aterpea margotuko dela dena akitu bitarte. Bertzetik, errentan hartzeko aterako dela. Hala ere, baldintza batzuk izanen dira errentan hartzeko: hartzaileak aterpea mobleztatu beharko du; hau da, sukaldea, ostatuko barra, oheak, mahaiak, aulkiak… bere esku geldituko dira. Honen truke, alokairua dohainik izanen du oraindik erabaki ez den hainbat urtetarako. Dena den, mantenimenduko gastuak hartzaileak ordaindu beharko ditu.
Kattalin aterpeak 450 metro koadro inguru ditu eta 45 lagun hartzeko prestatua dago. Bortz logela eta bortz komun, igogailua, sabaian bi trasteleku, sukaldea, barra eta egongela bat jartzeko tokia dauka.
Beraz, hurrengo larunbatetan auzolanak izanen dira aterpea pintatzetik akitu arte.