Inauteriak, amets egiteko garaia, beste pertsona edo pertsonaiaren bat izateko aukera. Imajinazioa astindu eta egun batzuez egunerokoa aldatzeko aukera ezin hobea. Asmo horrekin edo bakoitzak nahi duenarekin ailegatu dira aurten ere Narbarteko inauteriak. Otsailaren 17 eta 18an ospatuko dira, ortziral eta larunbatarekin.
Ortziralean afaria, larunbatean eskea
Aurtengo inauterietako otorduak Herriko Ostatuan izanen dira. Hala, ostiralean, otsailak 17, afari batekin emanen zaio hasiera inauteriei eta ondotik, Agerralde akordeoilariarekin gaupasa izanen da. Animatzen dena mozorrotuta agertzen ahal da.
Biharamunean, larunbatean, gosaria eginen da eta jarraian etxez- etxe herriari buelta emanen zaio.
Gauean ez da afaria faltako eta gorputzak aguantatu arte besta egiteko aukera izanen da.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!