Ez dio hutsik egin bere hitzorduari eta urtero bezala menditik jautsi zen Olentzero. Zaldi batek ekartzen zuen gurdi baten gainean jarrita agertu zen, bere ondoan astoa opariz beterik zuela. Herrian barna jendearen gutunak biltzen ibili ondotik, trinketean ogitarteko bat eta ardo tragoxka bat hartu eta bere martxa segitu zuen, jakina baita Olentzerok egun horretan lan aunitz izaten duela.
Jaiotza biziduna
Eguberri egunean meza ondotik jaiotza biziduna izan zen. Bere lekua hartu du herriko eguberrietan eta ohitura bihurtu da. Ez da errexa izan jendea biltzea, baina aurten ere hogei bat bolondres elkartu eta ikuskizun polita eskaini zuten.