Urria neguaren bezpera, gaztain eta iratzeak egiteko garaia dugu. Duela ez denbora aunitz, urtaro hau ailegatzerakoan Narbarteko mendien argazkia hagitz bertzelakoa izaten zen, mendia, iratze metaz estalita agertzen baitzitzaigun.
Gaur egun, ordea, internet eta sakeleko telefonoen aro berri honetan sartuta gaudenean, baserri pare bat baino ez dira gelditzen iratze pixka bat egiten dutenak.
Bertzalde, urria ehiztarien hilabeterik distiratsuena izaten da, eta gure herrian ehiztari asko dago. Basurde edo usoen atzetik jendea gustura ibiltzen da. Gosariak, bazkariak, afariak, «gezurtxoak»... Denak hainbeste jende mugitzen duen afizio honen barne sartzen dira.