Korrika Nagusiaren atarian, Korrika besta egin zen apirilaren 2an Bertizarana eta Malerrekan barna. Goizean Bertizko aparkalekutik abiatuta 20 bat lagunek egin zuten Legasarako bidea bizikletarekin. Hemen harrera beroa jaso zuten txirrindulariek eta gosari ederra eskaini zieten. Legasatik Donezteberako bidea hartu zuten, eta herrian barna itzulia egin ondotik, Sunbillan akitu zuten ibilbidea. Umeentzako jolasak eta ume eta helduentzako txapel jaurtiketa egin zuten hemen. Lagun gutti bildu arren, egun polita izan zela eta giro ederra izan zutela adierazi dute Malerrekako eta Bertizaranako kideak biltzen dituen Korrika Batzordetik.
Aipatu, Legasa, Donamaria, Elgorriaga, Doneztebe eta Iturengo lagunek parte hartu zutela Korrika besta honetan.