Aurten Herriko Ostatua itxita egonik, Kazekoren pabiloira pasatu behar izan dira inauterietako otorduak. Gazteak inauteriak antolatzen ari zirenean, beldur pixka bat bazuten aurtengoak nola aterako ziren ez zekitelakoz. Baina aldaketak aldaketa, giro ederrean ospatu dira; gainera, bertze urteetan ez bezala, herriko jende helduak ere parte hartu du inauterietan.
Eskerrak
Lerro hauen bitartez, herriko gazteek eskerrak eman nahi izan dizkiete bai Kazekoren pabiloiko nagusiei eta bai herriko hainbat andre eta gizoni ere, euren borondate eta laguntzagatik. Izan ere, euren laguntzarik gabe ezinezkoa izanen litzateke, hain giro ederrean joan diren inauteri hauek ospatzea.