Etxe askotan gertatzen da, sukaldean jaki goxoak prestatu ondotik, ez dela jakiten olio zaharrarekin zer egin. Batzuek fregaderatik beheiti botatzen dute, bertze batzuek, berriz, botiletan gorde eta bozpasei pilatutakoan, zaborrontzira.
Baina orain, herrian ez dago aitzakiarik gauzak ongi egiteko. Malerrekako Mankomunitateak plazan, udaletxe parean, sukaldeko olioa biltzeko edukiontzi ederra paratu du. Hori bai, itxitako ontzietan utzi behar da.
Baina ez da gauza hor gelditzen, denok dakigu birziklatzea zeinen garrantzitsua den eta orain aukera ederra izanen dugu. Larunbatetan 14:00 aldera kamioi bat pasako da herritik, etxeko hondakin bereziak biltzera, hau da, bateriak, CDak, detergenteak, metxeroak, pinturak eta horrelakoak.