Nafarroako Gobernuak erretiratu eta pentsiodunentzako antolatzen duen bainuetxe programan izena emateko epea zabalik dago. Maiatzetik abendura iraunen du programa honek eta sei eta hamabi eguneko egonaldiak egiteko aukera izanen da Elgorriaga eta Fiteroko bainuetxeetan –azken honetan sei eguneko egonaldiak bakarrik–. 411,76 euro balio du egonaldi luzeak, eta 205,88 euro laburrak. Dena den, urtean 7.697,20 euro kobratzen dutenentzat prezio bereziak izanen dira, kasu hauetarako aurreikusitako kopurua gainditu artean. Eskaerak, bertzeak bertze, osasun zentroetan eta gizarte zerbitzuetan aurkez daitezke apirilaren 6ra arte. Informazio gehiago: 902 165170 eta www.navarra.es-en.