Pirinioetako Gazta Lehiaketako lehenbiziko saria Legasara etorri da. Ardiarana gaztandegiko Alberto Migeltorena eta Ainara Ansa senar-emazteentzat izan baita.
Urriaren 17an Lleidako La Seu D’Urgell herrian jokatu zen txapelketaren 15. edizioa, eta joan den urtean lortutako hirugarren postua hobetzea lortu zuten legasarrek, garaile atera baitziren. Bertizarana izenarekin egiten duten gazta aurkeztu zuten lehiaketara, eta bertze 99 gaztaren artean eurena izan zen aukeratua.
Lehiaketa irabazita, urrezko diplona eta 600 euro hartu zituzten legasarrek, eta noski, epai-mahaiarengandik hitz onak ere bai.
Bortz urteko ibilbidea
Duela bortz urte hasi ziren gaztak egin eta horretara dedikatzen Migeltorena eta Ansa eta gaur egun, Bertizarana eta Kamiku izenarekin egiten dute gazta.