Udako azoka egin dute Berako hainbat merkatari eta ostalarik larunbat honetan. Agara kirolak, Arturo arropa-denda, Domoservice informatika zerbitzuak, Oinatz zapata-denda, Martzutzak, Zela Kirolak, Errekalde Ostatua, Xuga, Auzoa, Lixoia eta Bidaxka ziren antolatzaileak eta beraien postuak jarri zituzten Altzateko plazan larunbat goizeko 10etatik arratsaldeko 8etara.
Eguraldi bikaina aprobetxatuz jende ugari hurbildu zen eta balorazio ona egin dute merkatariek eta ostalariek, «jende mugimendu handia somatu zelako, goizez batez ere eta larunbatetako monotoniarekin hautsi genuen». Azokaz gain, pintxo potea ere egin zuten goizez eta arratsaldez. Ekimenean parte hartu duten ostatuetan 1,20 eurotan egiten ahal zen pintxo potea.