Hainbat ekitaldi egiten ari dira Julio Caro Barojaren mendeurrenaren harira eta horien barne, joan den ortziralean, organo, gaita eta txistu kontzertua eskaini zuten Berako elizan. Organoan Josu Goia aritu zen, txistuarekin Mugarik gabeko txuntxuneroak eta eurekin batera Sarako gaiteroak. Hamasei abestiko emanaldia eskaini zuten: Cortes de Navarra, Agurra, Laida pilotaria, Orhiko txoria, Ai hori begi ederra, Xalbadorren heriotzean, Ikusten duzu goizean, Agur Jesusen ama, Adio Euskal Herriari, Urrola, Txoria txori, Haurtxoa sehaskan, Txirritaren oroigarri, Meditazioa, Campanades a morts eta Agur jaunak. Ikusi argazkiak
Bertzalde, Julio Caro Barojaren omenez uztail hondarrean zabaldutako erakusketa etnografikoa ikusgai dago oraindik Berako kultur etxean. Irailaren 14ra bitarte egonen da. Heldu den larunbatean, irailak 13, hondarreko bisita gidatua eginen dute.