Baztango Udalak sei urtetik goitiko haurrei zuzendutako ipuin kontaketa antolatu du heldu den astean, Manex Beristain Agirre ipuin kontalariaren eskutik. Azaroaren 17an, asteartea, 17:00etan Baztango Liburutegi Publikoan izanen da saioa eta izena eman beharko da 689 035 078 telefonoan (Whatsappez edo deituta). Haurrek heldu baten laguntzarekin joan beharko dute.
Ipuin kontaketa saioa kandelaren argia piztuz hasiko dugu, gure barruko argiaren metafora gisa. Tximeleta zuriak hartuko du su horren testigua eta oroitzapenen bidaia bat hasiko du, galera desberdinei lekua eginez eta kultura desberdinetan heriotzari nola begiratzen zaion begiratuz.
Errespetu eta konfiantzazko espazio seguru bat sortuko dugu eta haurrek dakarrenari lekua egingo diogu.
Amaitzeko, sorturiko oroimen eta emozio guztiak jasotzeko dinamika polit bat egingo dugu.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.