Saharaztan elkarteak tonbola solidarioa egin du bertze urte batez Elizondoko ferietan eta eskerrak eman nahi izan dizkiete lagundu duten guziei: «Erratzun eta Elizondon etxabeak uzten dizkigutenei, gure betiko txokoa bermatzen digutenei, posturako opariak eman dizkiguten eskualdeko kirolariei, komertzio ttikiei, kirol taldeei, sortzaileei, artisauei, entitate publikoei, Nafarroako eta Euskal Herriko enpresei… eta nola ez, beren pazientzia eta diruarekin tonbolan parte hartu duten edo saiatu diren guziei».
Elkarteari laguntzeko hurrengo aukera Doneztebeko ferian izanen da, postua paratuko baitute materiala saltzeko: kamisetak, eskumuturrekoak, jertseak, erosketa poltsak…