Geuretik Sortuak programaren barnean Haize-lekua ipuina idatzi du Miren Artetxek, eta bertso saio literario gisa plazaratzen ari da orain herriz herri. Errezitaldian kontakizunaren pasarte batzuk irakurriko ditu eta abiapuntu gisa erabiliko ditu emakume bertsolariek jorratuko dituzten gaiak planteatzeko. Elizondoko saioan Maddi Ane Txoperena eta Uxue Alberdi izanen dira bertsolariak.
Egileak berak dioenez, istorioak «bi emakumeren arteko harremana kontatzen du. Horietako bat hil egin da eta bestea erresidentzia batean sartu dute. Handik hitz egin dio hildako lagunari, eta erresidentzian bizi duen egungo bizimodua kontatu dio, baina baita bere oroitzapenak eta harreman hura nola bizi izan zuen ere».