Apustua ikusteko sarrerak salgai daude 20 eurotan. Erreserbatu ahal izateko hurrengo telefono zenbakietara idatzi beharko da izen-abizenak eta sarrera kopurua zehaztuz: 616 83 19 42 edota 688 74 24 46. Erreserbatutako sarrerak egunen bertan biltzen ahalko dira frontoian, 16:00etatik 17:00etara.
Egin beharreko lana
Ekainean hitzartu zuten bezala, sei modalitatetan arituko dira lau kirolariak. Hasteko 80 kiloko harria goratu beharko dute 50 aldiz, ondotik 28 plaza eginen dituzte 100 kiloko txingekin, 60 koxko bildu, kanaerdiko sei enborren mozketa aizkorarekin, 40 kiloko 60 thruster goratze eta akitzeko 15 mozketa trontzarekin kanaerdiko enborrean. 2.000 euro jokatuko dituzte eta txanda librean eginen dute lana, bikotekide bakoitzak erdia eginez.