Nagusietan txapeldunorde izan dira izan dira Dani Saldias arraioztarra eta Txantreako June Etxeberria, Ultzamako Josetxo Barberenaren eta Ainhoa Iraizoz txapeldunen gibeletik
Ultzamako bikote txapeldunak 5 minutu eta 27 segundo aski izan zituen 45 ontzako enborrari 15 epai egiteko. Minutu erdiko aldea atera zieten Arraiozko Dani Saldiasi eta Txantreako June Etxeberriari (05.57) eta Elkarteko Iosu Huartek eta Iruñeko Uxue Rodriguezek osatu zuten podiuma (08.11). Berriozarko Oier Aizkorbe eta Arraitzeko Miren Eizmendi izan ziren laugarren (08.48).
Arraiozko Julen eta Eider Urrutia anaia-arrebak txapeldun 21 urtez beheitikoan
Txapelketa nagusiarekin batera, 21 urtez azpikoa ere jokatu zuten lau bikotek Antsoainen eta Arraiozko Julen Urrutia eta Eider Urrutia anaia-arrebak jaun eta jabe izan ziren. Lau minutu eta 7 segundo aski izan zituzten etzanda jarritako metroko enborrari hamar korte egiteko. Bi minutu baino gehiago aldea atera zieten bertze hiru bikoteei. Hor bai, lehia estua izan zen eta bigarren posturako lehian 52 segundo ehunen aldea bertzerik ez zen izan. Berriozarko Elur Martiartu eta Iruñeko Urko Larunbe izan ziren bigarren (06.14.00). Antsoaingo Maider Ruz eta Joritz Biurrun hirugarren (06.14.52) eta Berriozarko Irati Aguas eta Unai Fernandez laugarren (06.17).
