Gaita soinuek abiatu zuten jardunaldia, eta 13:00etan meza izan zuten ermitan. Ondotik bazkaltzeko ordua izan zen: ia 200 lagun inguru bildu ziren mahaiaren bueltan, bertako 40 auzotarrez gain, haien familiak eta herriko jendea. Paella eta oilaskoa txilindron erara izan zuten jateko, bertan egina. Ondotik Frantzisko akordeoilariak girotu zuen arratsaldea, eta merienda-afaria egiteko aukera ere izan zuten. Egun ederra mendeurrena borobiltzeko.