Nafarroako bigarren mailako aizkolari txapelketaren finala jokatu dute igande arratsaldean Uharteko Toki-Alai pilotalekuan. Abuztuaren 14an Donamarian jokatutako kanporaketako bortz aizkolari onenak izan dira lehian eta, pronostikoak betez, Zigako Joxean Etxeberriak lortu du txapela eta lehen mailara bueltatzea. Bi kanaerdiko, bi 60 ontzako eta oinbiko bat mozteko 20 minutu eta 20 segundo aski izan ditu. Bigarren sailkatua finaleko bertze baztandarra izan da, Julen Urrutia arraioztarra (22.46) eta bera ere lehen mailan ariko da datorren urtean.
Uharteko finalean bigarren izan den Arraiozko Julen Urrutia ere lehen mailara igoko da
Etxarri Aranatzeko Jon Erdoziak osatu zuen podiuma (23.23). Iturgoieneko Iosu Santamaria izan da laugarren (26.29) eta Etxarri Aranatzeko Aritz Oiarbide bosgarren (32.25).
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.