Gazte Koordinadora Sozialistak eta Ikasle Antolakunde Sozialistak Gazte Topagune Sozialista antolatu dute urriaren 9tik 12ra Elizondon. Antolakuntzan sartuak daude ere Baztan-Bidasoko GKS taldeko kideak, eta ekimenaren aurkezpena eginen dute ortziralean, irailaren 25ean, eta larunbatean.
Gaur arratsaldean Munstroak sortzen direnean dokumentala proiektatuko dute Baztango Gaztetxean 18:00etan. Bihar, berriz, murala margotuko dute Merkatuko plazan 10:00etan, eta 14:00etan bazkaria eginen dute. Bazkaltzeko Instagramez (@gks_baztanbidasoa) edo X bidez (@GKS_BaztanBidas) eman daiteke izena eta 10 euro ordaindu beharko dira.