Asteburu honetan Nafarroako lehen maila autonomikoan ligako bigarren jardunaldia jokatuko du Baztan Futbol Talde nagusiak. Baina ligaz gain, bertze hitzordu garrantzitsu bat ere badu begi bistan: Duela bi urte bezala, Nafarroako Superkopa irabazi ondotik, Espainiako Erregearen Kopa jokatzeko eskubidea emanen lukeen kanporaketa gainditu beharko du eta dagoeneko ezagun du zein izanen duen kanporaketa horretan arerio: Aragoiko Atletico Calatayud. Iraileko azken asteburuan jokatuko dute joaneko partida Calatayuden eta urriko lehenbiziko asteburuan Giltxaurdin itzulerakoa.
Duela bi urte ez zuen suerterik izan Baztan Futbol Taldeak eta Erregearen Kopako atarian gelditu zen. Ea oraingoan, Espainiako ligako lehen mailako arerio baten kontra jokatzeko eskubidea irabazten duen.