Txupinazoaren ondotik musika hasi zen, eta ez zen asteburu guzian gelditu: gaiteroak, txaranga, konpartsa, mutil dantzak, kontzertuak…
Larunbatean zikiro jatea izan zen ekitaldi nagusia, eta 250 lagun bildu ziren bazkaltzera eguraldi ederraz lagunduak. Bazkalondotik bingo musikatua egin zuten, eta Naroa Ballarena suertatu zen garaile. Arratsaldean txaranga, poteoa elkartez elkarte eta dantzaldia izan zuten, eta gaua DJek girotu zuten.
Bestak borobiltzeko, igande goizean konpartsaren itzulia eta paella lehiaketa izan zen, baita ondotik dastatzeko aukera ere. Jotak ere izan ziren La Ribera Cantaren eskutik eta akitzeko, arratsaldean ttikienek ponian paseatu ahal izan zuten.