Irurita txapeldun Nafarroako Herriz Herri Txapelketako lehenbiziko proba konbinatuan

Ttipi-Ttapa 2026ko abuztuaren 24a

Irurita txapeldun, Ultzamaldea txapeldunorde eta Berriozar hirugarren, Nafarroako Herriz Herri Txapelketako lehenbiziko proba konbinatuan.

Nafarroako Herriz Herri Txapelketako finalak jokatu zituzten larunbatean Larraintzarren. Bai lehenbiziko proba konbinatuan (txokorrak, zakua, aizkora, lasterka eta arpana), bai bigarren proba konbinatuan (ingudea eta txingak), hiru jardunaldi jokatu dituzte uztailaren 25ean Elizondon, abuztuaren 1ean Beran eta abuztuaren 16an Burlatan. Talde bakoitzak bi saio egin ditu, eta horietan lortutako denbora eta puntuak kontuan hartuta, proba konbinatu bakoitzean lau taldek lortu dute finalera sailkatzea.

Bigarren proba konbinatuan, berriz, txapeldunorde izan da Irurita eta laugarren Bortziriak

Lehenbiziko proba konbinatuan, Bortziriak finaletik kanpo gelditu zen, eta Berriozar, Ultzamaldea, Irurita eta Txantrea aritu ziren larunbateko finalean. Iruritaren eta Ultzamaldearen artean lehia estua izan zen eta, azkenean, segundo bakarrarengatik, Iruritak lortu zuen txapela, Ultzamaldearen aitzinetik. Berriozar izan zen hirugarren eta Txantrea laugarren.

Irurita txapeldun, Nafarroako Herriz Herri Txapelketako lehenbiziko proba konbinatuan.

Bigarren proba konbinatuan, aldiz, Ultzamaldea izan zen txapeldun, Irurita bigarren, Txantrea hirugarren eta Bortziriak laugarren.

Bigarren proba konbinatuan Ultzamaldea nagusitu zen, Iruritaren eta Txantrearen aitzinetik.

Kirola Baztan Bortziriak Irurita

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun