Denetik ikusi, probatu eta erosteko aukera izanen da igandean azokan: euskal pastelak, ukenduak, artile lanak, bitxiak, larrugintza, zurez eginiko lanak, makramez egindako osagarriak, eskuz serigrafiatutako arropak, kroketak, sagar zukuak, gasnak eta garagardo artisauak, bertzeak bertze.
Horrez gain, animaliekin eta landareekin zerikusia duten josteta saio interaktiboak eskainiko dituzte Kalakaren eskutik, 11:00etatik 13:00etara. Zurezko plaza jokoak izanen dira, 3 urtetik goitiko haur guziei zuzenduak.