42 neska-mutiko ari dira Elizondon entrenatzen eta Lekarozen lo egiten
Berriozar Jai Alaik Nazioarteko Zesta-punta Campusa antolatu du aurten zazpigarren aldiz, Lekarozko aterpetxean.
Entrenamenduak Elizondon, Juanjo Atxa Mindegia pilotalekuan egiten dituzte. Baztango Udalak pilotalekua erabiltzea uzten diela eta, Balleko Etxera hurbildu ziren pilotariak eskerrak ematera. Mariano Iribarren eta Gorka Urtasun zinegotziek eta Fernando Anbustegi Baztango alkateak egin zieten harrera, eta bertan, Angel Gamarrak eskerrak eman zizkion udalari. Gainera, hainbat pilotari-bertsolarik eskertza bertso ederrak ere kantatu zituzten eta campusaren kamiseta bat oparitu zioten alkateari. Anbustegik, bere aldetik, Udalaren esker ona adierazi zien antolatzaileei eta pilotariei euskal kulturaren eta kirolaren alde, eta bereziki zesta puntaren alde, erakusten duten konpromisoagatik. Ekitaldia akitzeko argazkia egin zuten denek Balleko Etxeko balkoian.