Bikote bakoitzak egin beharreko lana hau izanen da: horizontalean jarritako 60 ontzako enborrari 5 ebaki, bertikalean jarritako 54 ontzako enborrari 6 ebaki, horizontalean jarritako 54 ontzako enborrari 6 ebaki eta horizontalean jarritako 60 ontzako enborrari 5 ebaki.
Euskal Herriko gizonezkoen arpana txapelketa jokatuko dute larunbatean Antsoainen
2026ko uztailaren 30a
Duela aste batzuk Nafarroako txapela irabazi zuten Arraiozko Daniel Saldias eta Xabier Urrutia anaiak izanen dira eskualdeko ordezkariak
Euskal Herriko gizonezkoen trontza edo arpana txapelketa jokatuko da abuztuaren 1ean, larunbatean 12:00etan Antsoaingo Rafael Alberti Plazan. Hiru bikote ariko dira lehian, horietatik bi Nafarroakoak: duela aste batzuk, bigarren aldiz segidan, Nafarroako txapela irabazi zuten eta Daniel Saldias eta Xabier Urrutia anaiak eta txapeldunorde izan ziren Josetxo Barberena eta Iñaki Barberena anaiak. Hirugarren bikotea, Ion Lapazaran eta Kimetz Lapazaran arabarrek osatuko dute.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun