Ohiko modura, Baztandarren Biltzarra egunaren (uztailaren 19an aurten) aitzineko asteazkenean eginen dute bazkariko txartelen salmenta. Elizondoko Merkatuko Plazan, barrakoi ondoan, eginen dute eta 10:00etatik aitzinera hasiko dira saltzen. Menua urterokoa izanen da eta txartelen prezioa 35 eurora aldatu dute aurten; esku dirutan zein txartelaz ere ordaintzeko aukera egonen da.
Bidenabar, Baztandarren Biltzarraren tonbolan tokatutako Baztandarren Biltzarraren arropak eta Hara Bi markako kamisetak biltzeko aukera ere egonen da, eta horretarako tonbolako txartela erakutsi beharko da.