Oronoz-Mugairiko herritarrek elkarretaratzea egin zuten larunbatean, «herrian dugun etxebizitza arazoaren aitzinean ezinegona eta haserrea adierazteko». Alkatetza taldeak adierazi duenez, «gaur egun etxebizitza faltaren eta espekulazioaren arazoa nabarmena da gure gizartean. Oronoz-Mugairin, zehazki, Nafarraoako Gobernuaren erabateko utzikeria salatu nahi dugu». Izan ere, gobernuaren jabetzako sei etxebizitza hutsik eta itxita dituzte herrian.
Diotenez, «Baztango Udaletik eta Oronoz-Mugairiko Herritik urteak daramatzagu etxebizitza hauei irtenbide bat ematea eskatzen eta herrian dugun etxebizitza arazoa salatzen. Bortz urte daramatza Nafarroako Gobernuak sei etxebizitza horiei irtenbiderik eman gabe, eta bitartean, oronoztarrei bizkarra ematen. Konponbideak nahi ditugu eta konpromisoa eta berehalako jarduna exijitzen dugu».