Pirinioetako Musika eta Kultur Festibala (PIR) eginen dute uztailaren 4an eta 5ean Huescako Ansó herrian, eta kontzertuak, tailerrak, proiekzioak, ikuskizunak, azoka eta gehiago izanen dira bertan.
Horrez gain, urtero bezala, Truco saria banatuko dute, Pirinioaren inguruko kulturaren alde lan egiten duten talde eta pertsonak omentzeko. Aurten Patxi Larralde arizkundarra sarituko dute, «Baztango soinu eta dantzen nortasuna zaintzeagatik». Uztailaren 5ean 13:30ean izanen da sari banaketa.