Herri barneko zuhaitzak «ondare publikoa» direla oroitarazi dute, «denen sosez landatu eta ordaintzen direnak, hainbertze onura ekartzen dituztelako: itzala, biodibertsitatea, airearen egurastea, edertasuna… Zuhaitzak hausterakoan herritarrak onura horiez gabetzen ari da arbola hautsi duen burugabe hori».
Gainera, «urtetik urtera gero eta egun eta hilabete beroagoak ezagutzen ari gara, azkeneko aste hauek konparazioen, ereiaroa eta dagoeneko hainbertze egunez 30ºtik goiti ibili izan gara. Zer erran iazko abuztuan 40ºak gainditu genituen egunez. Halako beroak egiten dituelarik zuhaitzek tenperatura jausteko eta itzala emateko balio dute, osasun publikoaren ikuspegitik funtzio berri eta garrantzitsua».
Hori dela eta, «zuhaitzen haustea publikoki salatu nahi dugu, guztiz onartezina baita».