Baztango Talde Ekosozialak bizikletan bidaiatzeari buruzko infomazio elkartrukatzeko saioa antolatu du ortzegunean Elizondon. Bizikletan bidaiatzeko zaletasuna dutenek haien esperientziak kontatuko dituzte eta hainbat galdera erantzunen dituzte, bertzeak bertze: Bizikletan garraiatzeko puskak zakutoetan nola antolatu? Lo egiteko zein estera isolatzaile mota erabili? Kozinatzeko gas bonbonak, alkohola edo gasolina? Zein eta zenbat jantzi eraman? Eta bizikleta trenean sartzeko?
Taldearen erranetan, «uda hurbiltzen ari den honetan, egundaino bizikletan bidaiatu ez duenak, baina tirriaturik dagoenak, aukera izanen du zalantzak argitzeko eta behar duen azkeneko bulkaldirako. Modu berean, bidaiatzeko ohitura duenak, edo bidaiatu izan duenak, maiz agertzen zaizkion dudak bertzeekin partekatzeko aukera izanen du».