Berriztu elkarteak Harrera proiektua aurkeztuko du ekainaren 16an, asteartea, Elizondoko Arizkunenea kultur etxean 18:00etan. Hitzordua herritar guziei irekia izanen da.
Topaketaren helburua «proiektua herritarrengana hurbiltzea eta bakarrik dauden adingabe migratzaileen familia eta komunitate harrera bultzatzea» izanen da. Elkarteak azaldu duenez, «saioan parte hartzeko eta harrera egiteko modu desberdinak aurkeztuko ditugu, inguruko pertsona eta familia gehiagok proiektua ezagutu eta sare komunitario honetan parte hartzera anima daitezen».