Elizondoko Baztanberri plaza eta Santiago karrika lotuko dituen zubia aitzinerat doa, eta lanak bisitatu zituzten asteartean Oskar Txibite Lurralde Kohesiorako kontseilariak, Maria Torres Herri Lanen eta Azpiegituren zuzendariak, Fernando Anbustegi Baztango alkateak, Beñat Verde Elizondoko alkateak eta udaleko eta herriko ordezkariek.
2025eko abuztuan obrak hasi zirenetik, azpiegituraren % 44 eraiki da, eta guztira 22 hilabeteko epea dute. Totalean 2,3 milioi euroko aurrekontua izanen du proiektuak, eta karrika nagusiari N-121-B saihesbidera irteera zuzena ematea du helburu, trafikoa arintze aldera.