Joan den urteko bestetan plastikozko banderak ez zirela gehiago paratuko erabaki zuten Arizkungo besta antolatzaileek. Horren harira, proposamen berezia egin zuten herritarrek: elkarrekin bandera sortak josi eta etxez etxe banatuko zituztela.
Argazkiak eta testua: Elurre Iriarte
Oihalak etxez etxe bildu ondotik, urtarriletik hasita eta ekainera artio, igandero eta tarteka larunbatetan ere, bildu dira arizkundarrak elkarrekin bestetako banderak josteko. Orain, banaketa egin ondotik, bakoitzak bere etxeko balkoian edo leihoan paratuko du bere sorta urtero. Horixe da asmoa, eta gainerako herrietan gauza bera egitera animatzen ditugu.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.