Familiako eta hurbileko giroa arnastu zen bertaratutako guztien artean. Eliza barnean Baztango Mindeitzeren, Joana eta Olaiaren, Gaztelu taldearen, Gartxito anaien, Yorrick Troman, Liesbeth Baelus eta Jacques-Alexis Marconek osatutako hirukotearen eta Gandeia taldearen emanaldiez gozatu ahal izan genuen. Bertzalde, Guy Saldubehere eta bere Menditarrak taldea berandu iritsi ziren ekitaldira ezusteko batengatik, eta horregatik haien saioa elizaren atarian egin zen, kontzertuari akabera emanez.
Ondotik, herriko bizilagunek lunch bat prestatu zuten elkartean, eta han kantuak eta solasaldi politak jarraitu zuten partaideen eta herritarren artean. Besta modu politean luzatu zen gaueko 21:30ak arte.
Antolatzaileek esker mila eman nahi dizkiete helburu handi honen alde giro on hori lortzen lagundu zuten pertsona guztiei. Gainera, gogoratu nahi dute Navarrabiomed Fundazioaren kontu zenbakia, ES47 2095 5992 3091 2382 1902, irekia dagoela oraindik ere laguntzen segitu nahi duen edonorentzat.