Larunbat honetan Baztangoizako besta izan genuen Amaiurren. Bigarren urtea da besta hau ospatzen dugula, 2024an egin baitzen lehenbiziko aldiz Arizkunen.
11:00etan herri kirolak izan genituen herriko plazan, alde batetik haurren eta bertzetik helduen taldeak plazaratu genituen Arizkun, Azpilkueta eta Amaiurrek. Giro onean, lehia polita ikusteko aukera izan zuten plazarat hurbildu zirenek.
Ondotik, 230 pertsona inguru elkartu ginen frontoian herritarrek prestatutako zikiroa bazkaltzera. Bazkalondoan kantak eta dantzak ez ziren faltatu, Kuxkuxtu txaranga hor baitzagon arratsaldea alaitzeko.
Baino besta ez zen hor akitu, goizeko ordu ttikiak arte izan zen musika: iluntzean Olgetan erromeria izan genuen eta eguna akitzeko DJ Jotatxo. Tartean indarrak hartzeko Perurena Burgerreko hanburgesak afaltzeko aukera ere izen zuten bertaratu zirenek.
Mila esker Amaiurrerat hurbildu zineten guziei, egun ederra pasatu genuen baztangoizarrek! 2028an Azpilkuetan elkartuko gara berriz!