Ekimen honen bidez, tximeleten eta bertze intsektu aunitzen populazioek bizi duten beherakadaz hausnartzeko aukera eskaini nahi izan da, baita polinizatzaile gisa duten garrantzia azpimarratu ere. Izan ere, intsektu hauek ezinbestekoak dira ekosistemen orekarako eta biodibertsitatea mantentzeko.
Erratzuko herriak lur eremu bat utzi du proiektua gauzatzeko, eta bertan tximeletendako egokiak diren landareekin osatutako lorategi berezia sortu dute. Oasian landare ostalariak jarri dira, tximeleta espezie batzuek bertan arrautzak errun ditzaten eta sortuko diren beldarrek landare horietatik elikatu ahal daitezen. Horrez gain, kolore eta usain biziko loreak ere landatu dira, tximeleta helduek nektarra xurgatu ahal izateko. Aipatu ere, Erratzuko herritarrek sorturiko hondakin organikoetatik lorturiko konposta erabili dela eremua ongarritzeko, horrela zikloa hestea lortu eta ekonomia zirkularra bulkatuz.
Igandean izan zen landaketa eguna eta ikasleek, familiek eta herriko hainbat bizilagunek parte hartu zuten, elkarlanean eta giro ederrean.
Oasiaren izena, Yinkoain olloteia izanen da, Euskaltzaindiaren atlasean Erratzun tximeletei 'jainkoaren oilo' (yinkoain olloa) erraten zitzaiela bildua baitago (Azkuek segur aski).