Ortziralean baztan zopetan 130 bat lagun elkartu ziren eta larunbateko paella afarian bertze hainbertze. Egunetako ekitaldietan itzala bilatu behar bazen ere, freskatzeko moduak ere izan dira; koltxonetak freskuran paratu eta salto gogotik!
Gabetan, aldiz, ezin gehiago eskatu; ortzirale zein larunbatean giro paregabea izan zen. Bi egunez goizeko ordu ttikiak arte luzatu zen besta. Larunbatean, gainera, plaza bete jende ikusi genuen La mala pekora talde ospetsuarekin.
Akitzeko, astelehenean, zikiro eguna izan zen. Goizean bizikleta itzulia eta mus txapelketak egin ondoren, egonaldi luzea egin zuten bertaratutakoek. Arratsaldean zenbait joko prestatu ziren; ura tarteko freskaldi ederra hartu zuten parte hartzaileek. Berriz ere besta ederrak izan dira.
Baina dena ez da besta bakarrik. Asteartearekin auzolana ere egiten da eta txalogarria hor ere zenbat jende elkartzen den bestondoari kontra eginez. Gora Berroeta!