Partida horretako sarrerekin, ostatuan eta zozketan ateratakoarekin eta saldutako elkartasun materialarekin bildutako diruarekin laguntza emanen zaio Gorka Goñiri eta bere familiari. Igandeko partidarako 700 kamiseta egin ziren eta denak astean zehar agortu zirenez, gehiago ere eginen dituztela jakinarazi dute. Gazte kuadrillek egindako txapak eta pultserak ere saldu zituzten. Leticia Rekartek, Gorkak igorritako eskutitz labur bat ere irakurri zuen, berari bidalitako argazki, mezu eta animo solas guztiak eskertuz.